General Santos City—midangop sa buhatan sa Polomolok Municipal Police Station ang ginikanan sa usa ka 15 anyos nga babaye nga itago lang sa pangalang alias Angel kansa biktima sa pagpanglugos sa amo niini sa lungsod sa Polomolok.
Nasayran nga namabdos gyud ang biktima human giamong-amongan sa suspek nga si Alias Rambo, nga nagpuyo sa lungsod sa Polomolok. Gilugos matud pa niini ang biktima niadto pang bulan sa Nobyembre didto mismo sa panimalay sa suspek.
Samtang nasundan pa ang maong pagpanglugos nga maoy hinungdan nga nagbunga ang gihimo sa nasangpit nga suspetsado. Gikaingong uwahi nang misumbong nag biktima sa iyang ginikanan human nga nasayran niini nga siya nagsabak.
Samtang ang suspek misibat sab uban ang pamilya niini human nasayran nga mireklamo sa buhatan sa kapulisan ang ilang katabang.
Kahibaluan nga hingpit nang napasakaan ug kaso ang suspetsado ug gihuwat nalang nga mugawas ang warrant of arrest niini aron nga siya masikop.
