Pormal na karon nga nag atubang ug kasong Bigamy ang usa ka person of interest human kini nasilbihan ug warrant of arrest sa mga tiunugyanan sa balaod.
Kahinumduman ang kapulisan sa lungsod sa Katipunan nagpahigayon kini ug law enforcement operation may kalabot sa tanggong nga warrant of arrest ni Alyas Nene, 59 anyos, taga barangay Tuburan lungsod sa Katipunan.
Si Nene, gipasakaan kini ug kaso human nagpakasal pag usab sa iyang ikaduhang hinigugma bisan nga wala pa kini legally separated.
Nalutsan kini ug warrant kaniadtong Abril 20, 2018, ang korte walay pyansa nga gerekomendar nga pyansa ngadto kang alyas Nene.
Kahibaloan nga hingpit man gayud nga gidili sa batakang balaod ang pagpakasal pag usab kung dili pa legally separated tungod kay nakalapas kini sa kodigo penal sa Article 349.
Samtang anaa na karon gibalhog sa balay bilangguan ang usa ka person of interest nga si Ricky Gumanad y Lapadan, 29 anyos, kinsa mitigbas sa iyang bayaw nga si Arnulfo Irot y Sambulan, 43 anyos.
Nahitabo ang pagpanigbas didto sa Pob. North, Piñan mga 10:30PM kagahapong adlawa.
Sa gihimong imbistigasyon sa kapulisan sa Piñan ang duruha nag inom kini apan sa wala madugay nagkainitay sila pinaagi sa ilang mga pulong nga miresulta sa wala nila pagkasinabtanay, hinungdan sa dili maayong panghitabo.
Dako usab ang pasalamat sa biktima tungod kay dali ra usab kining nasikop sa mga tinugyanan sa balaod.
Sa pagkakaron gihikay na ang kasong ipasaka batok kang Arnulfo Irot.
