Sibutad ZN – Nakabsan sa kinabuhi ang usa ka ginang human dungaba sa iyang live-in partner nahitabo bandang alas 10:35 sa niaging gabii didto sa Purok 6, Barangay Poblacion lungsod sa Sibutad, Zambonga del Norte.
Ang investigator sa kaso nga si PO3 Amor Cabala Dizon maoy niila sa biktima nga si Zosima Omaguing Abayon, 54 anyos, Samtang ang suspek mao iyang live-in partner nga si Abelino Larot Elumbaring, 64 anyos diin ang duruha polos lumulupyo sa dapit hitaboan.
Sa initial investigation nasayran nga ang biktima og ang suspek nag-inom pa sa ilimnong makahubog sa tindahan nga iya ni Posoy Taruc.
Human niini nagkuyog sa pagpanguli apan nagka-ergohay matud pa nga nisangpot sa paglanit sa suspek sa hait nga hinagiban duslak kausa ka higayon.
Ang biktima naigo sa iyang dughan nga maoy naghatud kaniya sa diha-diha nga kamatayon.
Hinuon ang suspek naaresto ra sa niresponding kapolisan og karon kasamatangang gipriso sa Sibutad Municipal Police Station.
