Giandaman sa kapolisan sa lungsod sa Barili ug kasong murder ang usa ka lalaki nga niunay sa pagpusil –patay sa iyang kapuyo samtang nitambong sa graduation ug recognition day sa ilang mga anak sa barangay Balao sa maong lungsod.
Padayong natanggong karon sa Barili Police Station ang suspek nga si Syrin Anotado, 38 anyos human niya gipatay ang iyang kanhi kapuyo nga si Lucilita Rebuyas ,34 anyos.
Si Rebuyas nitambong sa recognition ceremony sa iyang mga sa elementarya .
Wa siya makabantay nga nisunod ang iyang kanhi kapuyo nga si Syrin ug nipusil kaniya diha sa likod .
Naigo sa ulo ang biktima hinungdan nga kini namatay.
Si PO3 John Robert Sacan nibutyag nga selos ang ilang gitan-aw karon nga motibo sa pagpatay ni Rebuyas , tungod kay moinsister gyud kini nga aduna nay laing hinigugma ang iyang kapuyo .
Nagkabuwag na sila sa niagi pang tuig .
Nabulabog ang tibook kalihukan sa mga kabataan sa usa ka gym tungod sa maong hitabo .
