General Santos City—patay ang usa ka ginang human kining gipusposan patay sa iyang live-in partner sa may Purok Nopol, Barangay Conel, Gensan.
Biktima giilang si Jessa Appong, legal age, residenti sa nasampit nga lugar. Gibutyag ni Lovelyn Oppong, igsuon sa biktima nga alas 6:00 ang takna sa gabie dihang nakamata na lamang kini nga misakit ang iyang ulo, didto na niya nakit-an ang suspek nga si Joey Balani nga may dalang partilyo ug puthaw kansa maoy iyang gigamit sa pagbunal kaniya.
Iya pa kining gipangutana apan nagpakahilum ang nasangpit inay padayon lang syang gibunalan niini, didto na nakamata ang iyang igsuon nga nakuyapan na diay human gibunalan usab sa suspek.
Giuwang sa biktimang si Jessa ang suspek apan siya na usab ang ginubal-bunalan, didto na midagan si jessa pagawas sa ilang balay ug gikod usab sa suspek.
Alas 5:30 na kaganinang kabuntagon dihang nakaplagan ang patayng lawas sa biktima nga nagbuy-od sa luna duol sa ilang panimalay. nakasibat usab ang suspek human sa gihimong pagpatay. sa karon nagpadayona ng gihimong imbistigasyon kalabutan sa insidenti.
