Davao City – Pagkabisto sa pagbaton og laing hinigugma ang posibling rason nga misangko sa maduguon ang panaglalis sa live-in partner nga nahitabo sa Purok 7, Barangay Kidawa, Laak, 6:00 sa buntag.
Base sa report sa Police Regional Office XI (PRO-XI), nagkalalis matud pa sila Ernesto Mabensi, 50 anyos, mag-uuma, ug si Erlinda Baligon gumikan sa pagduda sa biktima nga dunay laing babaye ang suspek.
Gisukmatan sa biktima ang suspek labot sa pagbaton niini og laing babaye sa iyang kinabuhi butang nga gilimod ni Mabensi.
Mikuha matud pa og puspos ang suspek dayon lambos tumong sa apapangig duha ka higayon resulta sa kamatayon ni Erlinda.
Ang suspek gilayon mitahan kang Barangay Kagawad Medino Andao ug dayon gi-endorsar sa Laak Pnp alang sa pagpasaka og kaso batok kaniya.
RadyoMaN Joel Viray
