South Cotabato —Gipangita pa sa kapulisan sa lungsod sa Tboli, South Cotabato ang suspetsadong bana nga suspek sa pagpatay sa iyang kaugalingong asawa niadtong nakalabayng adlaw.
Giila ang biktima nga si Emma Cabel Segundo, 55, ug residente sa Barangay Datal Bob, Tboli. Samtang suspek giilang si Freddie Cail Segundo, 47, mag-uuma ug residenti sa maong lugar..
Sa blotter report sa Tboli PNP, naglalis ang magtiayon nga misangko sa pagpamusil.
Nakabaton ug samad sa nagkandaiyang parti sa lawas ang biktima nga hinungdan sa iyang kamatayon.
Paspas nga misibat ang suspek sa wala sayring lugar ug kasamtangan pa kini karon nga gipangita sa kapulisan.
Nakuha sa crime scene ang upat ka basyo sa bala sa kalibre .45 nga armas nga gigamit sa suspek sa pagpatay.
