South Cotabato – ospital ang gidangatan sa usa ka ginang human kining gipusil sa iyang bana didto sa Barangay Talahik Surallah South Cotabato naidtong nakalabayng adlaw.
Giila ang biktima nga si Emma Basil, 40, residente sa maong lugar. Una nang gipusil sa suspek nga si Dionisio Basil alyas “Minis”, 49, ang biktima sa walay igong rason.
Nakaangkon ug samad pinusilan ang ginang sa iyang dunggan nga bahin kung asa daling gidala sa ospital ang nahisgutan human sa pagpamusil kaniya sa iyang kaugalingong bana.
Samtang pila ka oras human sa insidenti, nakit-an nalang nga wala nay kinabuhi ang suspek nga nagbitay na sa usa ka payag duol sa ilang panimalay.
Gikaingong may deperensya sa panghuna-huna ang suspek kansa halos usa na usab ka tuig nga nagpailawom sa dedikasyon gumikan na usab sa iyang gihambin nga gibati sa panglawas.
