Davao City- Patay sa daghang samad tinigbasan si Lucena Diaz, 58 anyos, minyo ug nagpuyo sa Purok 9 Tungkalan, Davao City human tigbasa sa suspek nga mao si alyas Jun-Jun, 15 anyos nagpuyo sa nahisgutang dapit.
Sa blotter sa Toril PNP, nadiskubrehan ang patay nga lawas sa biktima nga wala nay kinabuhi ni Alfredo Diaz, bayaw sa biktima, alas 6:00 sa kabuntagon.
Duha ka mga testigo nga sila si Dodong Patlunag ug Joel Maglangit nakakita sa suspek alas 4:00 sa kahaponon nga nagbitbit og sundang nga nagkadugo gikan sa panimalay sa biktima.
Sa interbyu sa Unang Radyo Unang Balita sa suspek, giangkon niini ang krimen tungod kay gipakasanginlan kuno siyang kawatan sa biktima.
Ang suspek naaresto usab sa mga miresponding kapulisan samtang ang patay nga lawas sa biktima gidala sa Villa Funeral Homes aron ipailalom sa otopsiya.
RadyoMan Erin lumosbog
