General Santos City—Gisuta pa karon sa mga kapulisan kung unsa ang tinuod nga hinungdan sa pagkamatay sa usa ka Ginang nga una ng mikaon matud pa og spaghetti og nakasinati pagpanakit sa iyahang tiyan og paglisod sa pagginhawa.
Giila ang biktima nga si Gina Villa Carlos, hamtong ang pangidaron og mulopyo sa Purok 6 Lanton Barangay Apopong General Santos. Sumala sa report nga nakit-an pa sa ilang mga kabanay ang biktima nga naligo pagkahuman natulog kini sa duyan.
Apan pagkamata niini misulod kini sa ilahang panimalay og mikaon sa spaghetti apan milabay ang pipila ka minutos kalit lamang nga nakasinati og pagpanakit sa iyahang tiyan og misuka na ang biktima og mimulo na kini nga maglisod na og pagginahawa rason nga gidali kini pagdala sa Mindanao Medical Center kung asa kining gideklarang dead on arrival sa mga mananambal.
Sa inisyal nga report sa MMC nga posibling giataki sa high blood pressure ang biktima,luyo nga nagtuo usab ang mga kabanay niini nga posibling nahilo kini sa gikaong spaghetti. (Emir Bariquit)
