Davao City – Tungod lang sa wala ka tuman sa gisaad nga kantidad, gibunalan og botilya ang usa ka 41 anyos nga ginang natigayon alas-9:00 kagabii didto sa Purok 1 Open Canal Mini Forest, Brgy. 23-C siyudad sa Davao.
Subay sa blotter sa Sta. Ana PNP, naila ang biktima nga usa ka Geraldine Enorme samtang ang suspect ginganlang Jean Dela Peña, hingkod ang edad, pareho nagpuyo sa nasampit nga lugar.
Matud pa nagkalalis ang biktima ug suspek sa ug sa kasuko niadtong tungora wala kapugong ang suspetsado gilayon gikuha ang botilya sa soft drinks didto iyang gibunal sa agtang ang biktima sa duha ka higayon nga miresulta sa pagkahiwa sa may agtang nga bahin.
Human sa panghitabo daling gitabang ang biktima ug gidala sa Southern Philippines Medical Center (SPMC) aron sa pagpatambal.
Hinuon gihugtan pa sa Sta. Ana PNP ang biktima kung mupasaka ba og kasong attempted homecide batok sa suspetsado.
Radyoman Don Pulayao
