South Cotabato—Patay ang usa ka ginang human nga nalumos sa irigasyon didto sa Bagong Silang, Banga, South Cotabato.
Giila ang biktima nga si Helen Aspa, residenti sa maong lugar. Subay sa report sa Banga PNP nasayran nga uban sa ginang ang iyang anak nga dalaga nga si Kia mae nga naligo sa irigasyon ala 1:00 sa hapon apan natingala nalang ang anak sa biktima nga kalit lang nawala ang iyang inahan.
Iya kining gipangita apan wala niya makit-an mao nga nangayo na kini ug tabang sa iyang mga kabanay.
Alas 5:00 na sa hapon dihang nakit-an ang patayng lawas sa biktima nga nag utaw-utaw sa irigasyon lima ka kilometro ang gilay-on sa lugar hain nawala ang biktima.
Sa karon ang patayng lawas sa biktima ang gipahiluna na sa iyang pamilya didto sa ilang lugar.
