General Santos City—Wala gyud nakalingkawas sa baba sa kamatayon ang usa ka ginang human nga nakuryentihan dihang siya nanghayhay didto mismo sulod sa ilang compound sa NLSA Road, Barangay Lagao, Gensan niadtong nakalabayng adlaw.
Una nang mireport sa buhatan sa Police Station 3 ang bana sa biktima nga si Raymond Pariñas human nga nakuryentihan ang iyang asawa.
Nasayran nga manghayhay na unta ang nasangpit nga ginang sa iyang mga gilabsan nga bulingon apan ang alabre nga iyang hayhayan unta ang nakadikit na sa live wire.
Iyang natarog ang alambre nga hinungdan siya nakuryentihan. Gidala pa sa balay tambanan ang biktima apan patay na kini dihang nakaabot sa ospital.
Facebook Comments
