General Santos City–Takdang pasakaan ug kasong parricide sa Malapatan Police Station ang suspek nga si Pauline Herbias, 37 anyos lumulupyo sa Purok Compulsory, Barangay Lun Masla, Malapatan, Sarangani Province, human nga gi dunggab patay niini ang iyahang bana nga si Eliezer Herbias, 54 anyos ala 1:00 ang takna sa kabuntagon niadtong milabay nga adlaw.
Sumala pa ni Police Chief Inspector Arman Tuban ang labaw sa Malapatan Police Station nga disidido matud pa ang anak sa biktima sa unang asawa nga magpasang-at ug kaso batok sa nasangpit nga suspect ug sa karon ilaha nalang gina human ang affidavit sa nasangpit.
Kung kahinumduman nga gilayong misurrender ang suspetsadong sa usa ka imam sa pikas nga purok sa maong barangay human nga nabuhat niini ang pag patay sa iyang bana.
Samtang migawas matud pa sa gipahigayong imbistigasyon sa Malapatan PNP nga nahimo sa suspect ang pag panungab sa iyahang bana tungod sa pagpanakit niini ngadto kaniya ug sa iyang mga anak higayon nga kini mahubog. (Dave Silagan)
