Roxas City, Capiz – Ginhusay kahapon nga adlaw sa talatapan snag Brgy Tanque sa pagpanguna ni Punong Barangay Delio ang mga persona nga imbolbado sa natabo nga pagkapatay sang anum ka bulan nga lapsag sang nakaligad nga adlaw sang Sabado sa nasambitan nga barangay.
Yara ang presenya sang ginasiling mediko ukon manugluy-a luy-a nga si Shirley dela Torre, lola sang napatay nga lapsag, tag-iya sang puti nga balay, mag-asawa nga ginpasibangdan nga aswang kag mga katapo sang media.
Gin-insister ni Sherly dela Torre, nagpatpat gid lamang siya nga ginahampangan sang malain nga ginhawa ang anum ka bulan nga lapsag apang wala siya magtumod nga ang mag-asawa ang may kahimuan.
Iya man nga ginpanindugan nga wala sa iya baba naghalin ang nasambitan nga mga tinaga kundi sa lola sang lapsag nga napatay.
Samtang, ginklaro man sini nga indi siya sang mediko, kundi nagapangluy-a luy-a gid lamang.
Sa ulihi nagpangayo ini sang pasaylo sa mag-asawa kag sa tag-iya sa puti nga balay.
Aminado man ini nga bangud sa nasambitan nga hitabo, ang mga imbolbado nga mga personalidad kag mangin siya ang naka-angkon sang kahuy-anan.
(file photo)
