President Roxas, Capiz – Nakahanda ang ginang nga nakakita sa ginbilin nga lapsag sa Vizcayaville sa banwa sang President Roxas nga adoptahon sini ang bata.
Ginsiling ni “alias Jane” nga pila ka gab-i antes nga nakit-an ang lapsag, may yara sang nagabalik-balik nga mga persona sa ila nga lugar.
Suno pa sa iya nga interesado ini nga adoptahon ang lapsag bangud nga dalagko naman ang iya mga kabataan.
Ginapatihan nga gab-i pa ginbilin ang lapsag kag mga alas singko na sang aga ini nadiparahan matapos ginbilin sa atang-atangan sang ila poluy-an.
Nakibot pa ini kag gamayan lamang malinong sang magtambad sa iya ang lapsag nga nabutang sa lampin. Gilayon ini nga nagkig-angot sa iya iloy nga amo naman ang nagtawag sa response team sang President Roxas nga amo ang nagdala sa bata padulong sa Bailan District Hospital.
Sa subong yara na sa paghinakop sang DSWD ang amu nga lapsag.
