ILOILO CITY – “Ginapa-arakan kalang tiro daun kg latigohon,” ini ang mensahe nga ginpadala sang mga kabataan sa RMN Iloilo.
Nagpalab-ot sang reklamo ang pila ka mga menor de edad gikan sa nagkalain-lain nga distrito sa syudad sang Iloilo matapos ginpang-luthang sang riding in tandem gamit ang pellet gun.
Una diri, nagreklamo sa Jaro PNP si Soliman Hermanos, 21 anyos matapos ginluthang sang riding in tandem nga naka-masskara gamit ang pellet gun samtang nagapahunay-hunay ini sa Mc Arthur hi-way alas 1:50 kaina sang kaagahon.
Nagreklamo man sa roving patrol ang mga kabataan sa bahin sang CPU matapos ginluthang sang pellet gun.
Kasubong man nga kaso ang natabo sa distrito sang Mandurriao kon sa diin biktima diri ang mga menor de edad nga naga-practice sa dinagyang .
Nagreklamo man sa Molo PNP, isa ka call center agent nga ginkilala kay Christopher Kim Cyrus Serrano, 25 anyos sang Brgy. Quezon, Arevalo, Iloilo City kun sa diin nakita niya ang 6 ka motor nga gina pang lagas ang mga minor de edad kag gina luthang gamit ang toy gun.
Sa distrito sang Arevalo, nagreklamo man ang 7 ka mga lalaki matapos nabiktima sang riding in tandem. Ginlagas pa sang kapulisan ang mga ini apang wala na maabtan.
