Ginasugid sightings it mga armadong grupo sa Altavas, uwa it indikasyon – Lt. Col. Doctolero

115

KALIBO, AKLAN — Uwa it indikasyon ro ginasugid nga sightings it mga armadong grupo sa Brgy. Catmon, Altavas, Aklan.
Raya rong ginpahayag ni Lt. Col. Leomar Jose Doctolero, Commanding Officer it 12th Infantry Battalion sa pakikipag –angot it RMN DYKR Kalibo.
Suno kay Doctolero nga matapos sanda makabaton it report nga may una nga sightings sa lugar hay insigida sanda nag bilog it grupo nga Community Protection Patrol (CPP) nga ginakomponihan it meyembro kong AFP ag PNP ag gin istorya ro mga pumueoyo sa lugar kon ayhan may nakita sanda nga mga armadong grupo ag naging negatibo ro sabat kanda.
Nasayuran nga sangka retired military eamang ro permi napapan-uhan sa lugar nga kon amat nagabit bit armas.
Nagpasaeamat man si Doctolero sa mga pumueoyo nga insigida nagapaabot it impormasyon sa Army ag sa mga kapulisan para man madali maaksyunan ag maresolba ro nasambit nga problema.
Samtang sa pihak nga parte, nakatutok man makaron ro andang grupo kaibahan ro mga kapulisan sa mga bus terminal, airport ag tourist destination sa Aklan especially sa isla it Boracay para mapabakod pa gid rong siguridad

TAGS DYKR KALIBO DOCTOLERP 12 IB ALTAVAS BORACAY

Facebook Comments