General Santos City—gina-verify pa karon sa kapulisan kung miyembro ba sa grupong Ansar Al Khilafa Philippines (AKP) ang mga suspetsadong nakaengkwentro kagabie nga gikamatay sa usa ka suspek nga si Aliaz Saiden Nilong.
Sa live interview sa RMN Gensan ngadto kang Police Regional Office-12 director Chief Supt. Marcelo Morales, iyang gibutyag nga ila pa karon nga ginasuta kung may kalambigitan ang mga nahisgutan sa AKP.
Samtang dili pa usab nila masulti kung organisadong grupo ang mga nahisgutan sanglit kumpermado matud pa nga sila maoy responsabli sa pagpang hold-up ug pagpangawat ug motorsiklo sa lungsod sa Polomolok.
Nasayran nga hangtud karon padayon ang gihimong hot pusuit operation sa kapulisan batok sa upat ka mga suspek nga responsabli sa kremin.
