ILOILO City – Nag-ako ang isa sa mga ginatudlo nga scalper sang dinagyang 2019 tickets.
Suno kay Reynaldo Arendain, madugay na nila ini nga ginahimo sa tagsa ka dinagyang festival.
Subong nga tuig nakabakal sila sang 57 ka tickets kag ila ginbaligya sang tag duha ka libo ka pesos.
Mas mahal ini sa regular nga bili sang tickets nga sugod sa P1,200 – P1,700 lamang.
Pahayag ni Arendain bisan sa mga concerts kag basketball games sa syudad ginahimo man nila ang pagbakal sang madamo nga tickets kag ginabaligya sang mas mahal bangud may ara sila sang financier.
Paathag pa ni Arendain nga nagahatag pa sila sang 10% sa ila financier.
Indi man sila bastos sa pagdeal sa mga turista nga gusto magbakal sang iya tickets.
Matandaan nga ginpahayag sang Iloilo dinagyang foundation Inc. (IDFI) nga may nagabaligya sang tickets sang dinagyang 2019 sa mas mahal nga presyo nga mahimo makaguba sa imahen sang syudad kag sang Dinagyang.
Photo from web
