BACOLOD CITY – Isa ka amay ginpa-blotter sang iya kaugalingon nga anak matapos nga ini sila ang gin-ulaan sang arinola sang ila tatay, kwarto ginpangwas-ag pa kagab-i sa Brgy. 2, Bacolod City.
Nakilala ang complainant nga si Jimmy Jr., 23 anyos ang edad, soltero, samtang ginkilala naman ang amay nga amo si Jimmy Sr., 40 anyos ang edad, lunsay residente sang Purok Cagaycay, Brgy. 2, ciudad sang Bacolod.
Suno kay Jimmy Jr. mga las 9 kagab-i sang natabo ang insidente kon diin pag-abot sang ila insi amay, ini siya ang nag-wadang kag iya ginpangwas-ag ang sulod kag ginpanghaboy ang bayo sang iya mga manghod.
Suno pa sa reklamo sang anak, gin-guba pa gid sang ila amay ang toilet bowl sa ila banyo kag ang malain pa kay ini sila ang gin-ulaan pa sang arinola.
Bangud sini, nagpadulong sa Police Station 2 ang bata agud ipa-blotter ang iya amay nga nagmaoy./ Contributed photo
