Ginbawi na sang Philippine National Police (PNP) ang suporta sa teleserye nga “Ang Probinsyano”.
Ini matapos natalupangdan sang PNP ang ginapahayag indi patas nga pag-portray sang programa sa ila hanay.
Sa memorandum nga ginpagwa sang Biyernes, ginpahayag ni Police Community Relations Director Eduardo Garado nga untaton ang tanan nga bulig sang PNP sa nasambit nga programa.
Lakip diri ang paggamit sang pasilidad, salakyan, mga armas sang kapulisan pati na ang partisipasyon sang mga pulis sa pila ka eksena.
Suno kay Garado nga sa ginhiwat nila nga dayalogo sang October 17 kag 23 , nagpromisa ang mga producer sang programa nga aksyunan ang mga isyu apang wala ini natuman.
Suno naman sa Department of Interior and Local Government (DILG), posible nga mag-file sila sang kaso batok sa mga producer kon padayunon pa sang mga ini ang “unfair portrayal” sa PNP.
(pctto)
