BACOLOD CITY – Bangud sang tuman nga kahulugbon, isa ka lalaki ang nag-eskandalo kag nagpakita pa sang iya kinatawo sa isa ka resto bar sa Brgy. Taculing, Bacolod City mg alas 9:30 kagab-i.
Nagpadulong sa Police Station 6 ang tag-iya sang Bueno Chico Resto Bar nga si Azela Hormillosa, 30 anyos ang edad pumuluyo sang City Heights Subdivision Bacolod City agud ireklamo si Joselito Belzunce, 56 anyos ang edad, pumuluyo man sang amo nga lugar.
Suno kay Azela nga nagsulod sa iya kalan-an si Joselito nga tuman ka hubog kag iya ginpang-harrass ang iya mga babayi nga himata nga nagabulig-bulig sa iya kalan-an.
Ginpahayag ni Azela nga wala labot sini, ginbuyayaw pa siya sang suspek kag ginyawyaw.
Apang ang ila mas pa gid nga gin-kakibot amo ang hinali na lamang nga nagpangihi ni Joselito sa atubang sang mga babayi nga relative ni Azela kon diin na-expose ang iya kinatawo.
Pahayag sang tagreklamo nga makapila ka beses na gali ini nga ginhimo ni Joselito sa sulod sang iya restobar kag sini nga tion, iya na gid ginpa blotter ang amo nga lalaki./dyHB BACOLOD
