Nahunong sa presohan ang 34 anyus nga pintor matapos nga ginbuno niya sang buka nga botelya ang kaupod niya sa ilimnan nga construction worker bangud sa pagpangimon sa indi nila kilala nga babaye.
Ginbuno sang suspek nga si Ronilo Bahon ang biktima nga si John Francisco Sioson 28 anyus.
Sa imbestigasyun sang mga otoridad sa Molo Police Station magka-upod ang duha nga naga-inom sang naglabay ang isa ka babaye nga indi nila kakilala kag nagtupad sa biktima. Bangud nga kursunada sang suspek ang babaye nagpangimon ini matapos nga wala siya ginasapak samtang sweet naman nga nagapakig-istorya sa biktima. Sa tuman nga kaakig ginbuka sini ang botelya sang ilimnon kag ginbuno sa biktima nga naigo sa kamot kag dughan.
Gintuyo pa nga areglohon sa barangay ang duha apang wala sang may nagpatawad. Gilayun naman nga nakaguwa sa hospital ang biktima nga construction worker samtang preso tubtob subong ang suspek nga pintor.
