Mas gipahugtan pa ang kampanya sa Armed Forces of the Philippines kon AFP batok sa New Peoples Army kon NPA.
Sa interview sa RMN Malaybalay ngadto kang MGen. Ronald Villanueva, ang commander sa 4th Infantry Division gibutyag niini nga wala nila gi-undang ang pagukod sa mga NPA.
Matud ni Villanueva nga naglisod na karon ang mga NPA ilabina ug narekober sa kasundaluhan ang 40 ka sakong bugas nga gipanglubong sa Brgy. Conception, Valencia City dili pa lamang dugay.
Sigun niya nga ang mao nga mga bugas gipangkolekta sa NPA gikan sa mga masa.
Gawas sa mga NPA sa ground ila usab nga gimonitor karon ang anaa sa white area nga nagsuporta niini.
Gibutyag usab sa heneral nga dakong ihap sa mga lumad ang anaa sa kabukiran tungod sa kakulangon sa edukasyon gumikan sa kawad-on sa mga tulunghaan.
Usa usab sa nakita nilang problema ang isyu sa kahimsog sa mga rebelde. Dakong porsinyento daw sa mga nag-apply nga buot mahimong sundalo o CAFGU nagpositibo sa Hepa B.
Nagtoo usab si Gen. Villanueva nga adunay sexual exploitation sa mga kababayen-an sa mao nga grupo tungod kay adunay mga condom ug pills sa ilang mga narekober.
Makalolooy usab daw ang mga biktima sa mga terorista.
