Pontevedra, Capiz- Pilason ang isa ka persona matapos nga ini ang ginbuno alas 12:40 sang kaaganhon sa Brgy. Ilawod, Pontevedra, Capiz.
Ginkilala ang biktima kay EDMUND DELA CRUZ y ENCARTES, 18-anyos kag residente sang Brgy. Malag-it, Pontevedra, Capiz nga nag-angkon sang pilas sa iya liog kag nalikod nga porsyon sang lawas.
Base sa imbestigasyon sang kapulisan, upod nga naga-inom sang biktima ang mga abyan sini sa Zurc KTV Bar nga nahamtang sa Brgy. Ilawod, Pontevedra sang gulpi lamang nga gin-sumbag sang suspek nga si LEO BOFILL Y GONZALES, 18-anyos ang isa sa upod sang biktima nga nagahingalan kay MARS DELFIN JR.
Matapos sini, gilayon nga nagpalagyo ang suspek rasun nga ginlagas sang grupo nanday dela Cruz kag Delfin tubtob sa kilid sang suba sang Agbalo River.
Diri, naggabot sang kutsilyo ang suspek kag madasig nga ginbuno ang biktima nga si EDMUND DELA CRUZ.
Gilayon nga gindangat sa Bailan District Hospital ang biktima agud nga madapatan sang pagbulong. Sa subong yara na nakahunong sa Pontevedra Municipal Police Station ang suspek.
