Gin-athag ni Mr. Jeck Conlu, head sang Public Safety and Transportation Management Office ukon PSTMO nga gin-demolish nila ang peryahan sa guwa sang Jaro Plaza kahapon matapos iya ginrekolmendar kay Mayor Joe Espinosa III nga gin-aprobahan man sang alkalde.
Suno kay Conlu nga nag-istoryahanay sila ni Mayor Espinosa kag iya ginpatpat sa alkalde ang huol sang peryahan sa mga motorista kag delikado sa kabataan kag iya ginsuhestyon nga ibutang na lang ini sa sulod sang plaza samtang igapabilin naman ang rides sa atubang sang Cathedral.
Gindugang pa ni Conlu nga naka-realisar ang alkalde kabangdanan nga nagpasugot ini sa iya suhestyon
Bangud sini, ila ginpangkakas kahapon sang hapon ang mga peryahan sa guwa sang Jaro plaza.
Ginpahayag dugang ni Conlu nga ang ila tikang indi resulta sa ginpasar nga resolusyon sang City Council nga nagapanawagan sa ila nga kakason ang nasambit nga peryahan.
