Gindismiss sang Office of the Ombudsman si North Baluarte, Molo Punong Barangay Alan Aurelio bangud sa kaso nga serious dishonesty.
Sa desisyon sang Ombudsman for the Visayas nga napetsahan Abril 10, 2018, gindismiss si Punong Barangay Aurelio lakip na ang Barangay Treasurer nga si Claire Magarse.
Ini matapos mapamatud-an sang Ombudsman nga guilty ang mga ini sa kaso nga serious dishonesty bangud sa paggamit sang ghost laborer sa ginpakay-o nga drainage system sa ila barangay.
Nahibaluan nga ginlakip sa payroll sa nasambit nga proyekto ang nagahingalan kay Jaypee Bolante nga sa pagkamatuod wala nag-obra kag wala man nagbaton sang 7 mil pesos nga suweldo.
Bangud sini, magluwas sa pagdismiss sa ila sa serbisyo, gin-forfeit man sang Ombudsman ang ila retirement benefits, indi na mahimo maka-uyat sang anuman nga posisyon sa gobyerno kag indi naman makakuha sang civil service examination.
Nabaton naman sang mga natungdan ang kopya sang nasambit nga desisyon sang Ombudsman.
