Gingoog City Police Station, nag-una sa kadaghan sa accomplishments sa Mis Or

24
PC: Police Supt. Ariel Philip Pontillas

Nag-una ang Gingoog City Police Station sa tibuok kapulisan sa Misamis Oriental sa kadaghan sa mga accomplishments alang sa bulan sa Oktubre ning tuiga.

 

Kini nga resulta gikalipay ni Gingoog City Police Station, Chief of Police, Supt. Ariel Philip Pontillas sa interview sa dxCC-RMN.

 

Matud ni Pontillas nga nagpasalamat usab siya sa iyang mga kaubang pulis sa Gingoog sa ilang suporta ug daling pagresponde kung makadawat og mga reports sa katawhan sa mga panghitabo sa palibot.

 

Gipasabot usab ni Supt. Pontillas nga pinaagi sa kaabtik sa kapulisan sa Gingoog sa pagresponde dali usab gakasikop ang mga nalambigit sa krimen.

 

Base sa record sa Misamis Oriental Provincial Police Office nga nakatala og 19 ka accomplishments ang Gingoog City Police Station gisundan sa Tagoloan Municipal Police Station nga dunay 14 ka accomplishments ug ikatulo ang El Salvador City Police Station nga dunay 9 ka accomplishments.

Facebook Comments