Ginhold-ap nga Australiano nga nakuha sang masobra P1M nga cash, wala na plano magfile sang kaso matapos narecover ang kwarta

630

ESCALANTE CITY, NEGROS OCCIDENTAL – Wala na nagpasaka pa sang kaso ang isa ka Australian national batuk sa pito ka mga suspek nga nagkawat sang iya masobra isa ka milyon ka pesos nga cash sang nagligad nga Biernes, Pebrero 22 sa ciudad sang Escalante.

Ang biktima nakilala kay Mark Esmonde Desraux, legal ang edad, isa ka Australian National kag temporaryo nga naga-istar sa amo nga ciudad.

Nahibaluan nga sadtong Biernes, ang biktima ang ginpalapitan sang amo nga pito ka mga suspek, 4 diri ang mga menor de edad kag hinali na lamang nga gintayaan sang kutsilyo kag pwersa nga ginkuha sang mga ini ang kapin sa P1.169 million pesos nga kwarta nga bitbit sang amo nga Australiano.

Apang, ini ang natigayon man nga mabawi halin sa mga suspek bangud ini sila ang nadakpan sadtong Sabado, February 23 may mga las 2 sang kaagahon sa ginpatigayon nga pursuit operation sang Escalante City Police Station.

Suno sa hepe sang Escalante CPS nga si P/s Supt. Necerato Sabando Jr. antes nga nadakpan ang mga suspek, nabuhinan na nila sang kapin P40 mil pesos ang kwarta nga ila ginhold-up.

Bangud nga wala nagpasaka sang kaso ang biktima, gin-release na gid lang kahapon ang mga suspek halini sa kustodiya sang Escalante City Police Station./Agnes Apostol

Facebook Comments