Davao City – Nagpahimangno ang Davao City Police Office (DCPO) sa mga ginikanan nga kanunayon ang pagmonitor sa ilahang mga anak.
Matud ni DCPO spokesperson P/Sr. Inps. Ma. Teresita Gaspan nga kini aron masiguradong dili mabiktima ang ilahang mga anak o ang mga bata sa online sexual exploitation o uban pang matang sa internet-facilitated sex trafficking.
Segun ni Gaspan nga ubos sa ilahang programang sagop kabataan ang mga kapulisan gasurveillance sa mga internet cafe’s matag curfew hours kung aduna bay mga menor de edad.
Sa pagkakaron wala pay nadawat nga report o reklamo ang DCPO nga adunay mga batang nabiktima sa online trafficking apan kung aduna may insidente giawhag sa kapulisan ang publiko nga i-report kini sa ilang buhatan.
RadyoMaN Aimee Guinita
