Davao City- Nag-unang adunay dakong responsibilidad sa ilang mga anak mao ang mga ginikanan luyo sa mga balaod nga nagprotekta sa mga kabataan.
Sumala ni Police Senior Inspector Riza Ramirez, Davao City Police Office Womens Children Protection Desk (DCPO-WCPD) Chief, ang City Social Services And Development Office (CSSDO) dinhi sa Davao usa sa gitahasan sa pag-atiman sa mga bata inabagan sa kapolisan pinaagi sa Women And Childrens Protection Desk kung dunay mga biktima sa pagpangabuso, exploitation, trafficking ug uban pa.
Gipasabot ni Ramirez kung nganong dunay mga kabataan nga malambigit sa mga binuang: una, ang kahimtang sa iyang pamilya; ikaduha, eskwelahan; ug ikatulo ang iyang palibot (environment).
Giklaro usab ni Ramirez base sa ilang mga naimbestigahan nga kaso mao ang kakulang sa pag-atiman sa mga ginikanan sa ilang anak tungod kay busy sa trabaho ug uban pa.
RadyoMan Bernard Pantallon
