Nahupay ang kagool sa mga ginikanan alang sa ilang mga anak nga cleft lip o cleft palate patients kon bungi.
Kini human sa gihanyag nga libreng operasyon pinaagi sa Misamis Oriental Care System pinanguluhan ni Provincial coordinator Lilay Ocot inabagan sa Maharlika Charity Foundation, Smile train foundation, Saint Paul Hospital sa Tagoloan, Tangkulan Lodge ug Barangay BAMBI program.
Ang tanang mipasar sa screening libreng operahan, samtang gihatagan usab sa tambal ang mga wala mipasar alang sa sunod nga sesyon sa libreng operasyon.
Ang maong kalihukan alayon sa ikatulo ka tuig nga annibersaryo sa programang MisOrCares diin target sa maong buhatan nga matabangan ang labing nanginahanglan.
Miduyog usab si Gov. Bambi Emano nga tanang miabag aron mahatagan sa katumanan ang gipahigayong libreng operasyon.
by: Lovelyrose Sambaan
