All set eon rong Kalibo MPS para sa selebrasyon it “Ligtas Undas 2017” hin-aga nga adlaw.
Suno kay PSINSP. Honey Mae Rosete-Ruiz ro OIC it Kalibo MPS nga magapahamtang sanda it mga Police Assistance Desk ag magapatigayon it deployment it mga pulis sa mga sementeryo, terminals, simbahan ag iba pang mga areas of engagement kapareho ko public market, malls ag mga karsadahon.
Ginpahayag man ni Ruiz nga bawae ro magdaea it mga mataeom nga hinangiban, makahililong nga ilimnon kamana man sound system ag mga gamit pang sugae bangud nga rong selebrasyon hay solemn ag bilang pagtao man it respeto sa mga igmanghod naton nga nagtaliwan sa pihak nga kinabuhi.
Ana pa gid nga gin eksplekar nag rong sementeryo hay sangka pampublikong lugar ngani kon may mga makita sandang magasugae hay anda paga dakpon bangud sa implementasyon man ko pagtapna it illegal gambling.
Kamana may mga re-routing nga igapatigayon kapareho ko mga nagtaliwan nga dinaag-on sa mga karsadahon nga meapit ro mga sementeryo.
