Ginikanang di ipailawom ang anak sa polio vaccine masilotan?

26

Davao City – Dili makasuhan o masilotan ang mga ginikanang dili isumite ang ilang mga anak sa bakuna kontra Polio.

Kini ang giklaro ni Dr. Julinda Acosta, Chief Technical Division sa City Health Office atol sa I-Speak forum apan bisan pa man wala kini silot, gihangyo niini ang mga ginikanan nga ipailawom sa bakuna kontra Polio ang mga anak mga nag edad 0-59 months.


“Polio vaccine is a very safe vaccine, more than 30 yers na ginagamit kini sa Philippines,” segun sa doktora.

Busa padayon nga ginahulat karon sa CHO ang pagpagula ni Davao City Mayor Inday Sara Duterte-Carpio og usa ka order nga himuong mandatory ang vaccination ingon man ang planong pagpasa og ordinansa usab sa konseho bahin sa mandatory nga pagpabakuna.

“Wala pa man tay gigunitan karon nga mandatory ang vaccination but we are appealing to the parents nga ipabakuna ang mga anak,” dugang ni Dr. Acosta.

Gani sumala niya nga og mamahimong mandatory ang bakuna sa syudad, kini ang unang syudad nga magpatuman sa maong nahisgutan ug model usab sa uban pang buot maglusad niini.

Sa karon, gikumpirma sa CHO nga luwas gihapon ang Davao City gikan sa sakit nga polio.

RadyoMaN Renz Barbarona

Facebook Comments

From Advertisers