BACOLOD CITY – Nag-angkon sang madamo nga pilas sa iya lawas ang isa ka gwardiya matapos nga ini siya ang ginkastigo sang isa ka grupo sang mga kalalakihan kahapon sang kaagahon sa Bacolod downtown area.
Nakilala ang biktima na si Security Guard Ricky Castro, 29 anyos ang edad, kasado kag pumuluyo sang Gonzaga Extension, Brgy. 28, Bacolod City.
Suno sa biktima nga may mga las 4 sang kaagahon kahapon, durante nga ini siya ang nagalakat sa bahin sang Gonzaga St., malapit sa Central Market, ini siya ang ginbanggaan sang isa ka grupo sang tawo.
Ginsiling sang biktima nga sa wala mahibaluan nga rason hinali na lamang ini siya nga ginpulihan kastigo sang mga suspek.
Bangud sini, nag-angkon sang madamo nga pilas sa nagkalain lain nga bahin sang iya lawas ang biktima kag gindala sa Corazon Locsin Montelibano Memorial Regional Hospital.
Suno sa biktima ang ini nga hitabo ang nagdulot sa iya sang kakulba kag daku nga kahuy-anan.
Samtang gilayon naman nga nagpalagyo ang mga suspek matapos ang ila ginhimo nga pagkastigo sa biktima./dyHB BACOLOD
