Roxas City, Capiz – Madinalag-on nga narekober ang apat ka mga ginpangkawat nga mga motorsiklo paagi sa ginkasa nga entrapment operation sang kapulisan. Arestado sang gintingub nga pwersa sang Highway Patrol Group(HPG)-Capiz, Pontevedra PNP kag Panay PNP ang ginapahayag suspek nga nakilala kay Alexander Martinez, 24- anyos sang Moriones, Tondo, Manila apang temporaryo nga residente sang Malipayon Village, Barangay Tiza, Roxas City.
Gindihun ang amu nga operasyon kontra sa suspek matapos nga nakig-angut sa ila ang pamilya ni Justine Brillo, ang nauna nga suspek nga nadakpan sa Brgy Baybay Roxas City.
Diri nadiskubrehan nga ginpost ni Martinez sa isa ka buy and sell page ang iya ginbarter sini nga motorisklo kabangdanan nga wala na mag-usik pa sang tinion ang mga kapulisan.
Sang ini ang ginpangitaan sang mga papales sang motorsiklo, napaslawan ini nga makapakita kabangdanan nga siya ang gin-arestar sang mga otoridad.
Sa follow-up operations, diri narekober ang ibanpa nga mga units sang kinawatan nga motorsiklo.
Natalana nga pasakaan sang kaso nga paglapas sa RA 10883 ukon Anti-Carnapping Act of 2016 ang amu nga persona.
