GINKAWATAN | Balay sang Barangay Kagawad, ginsulod sang makawat; ginatudlo nga suspek, gumangkon man sang biktima

Dumarao, Capiz – Ginapangita sa gihapon sang mga kapulisan ang 19-anyos nga lalaki nga suspek sa pagpangawat sa puluy-an sang barangay kagawad sa banwa sang Dumarao. Aga na sang nadiskubrehan sang mga biktima nga sanday NERISA DARIO Y PAMA, 54-anyos, Barangay Kagawad sang Sibariwan, Dumarao, Capiz kag anak sini nga si RENIEL DARIO Y PAMA, 27-anyos, nga ginsulod sang makawat ang ila balay.
Ang ginatudlo nga suspek amo ang 19-anyos nga si JOMER PEREZ Y PAMA ALIAS JIMBOY nga ginapahayag gumangkon man sang biktima. Kalakip sa mga nakuha sini amo ang tatlo ka units sang cellphones, mga panapton kag motorsiklo nga ginapanag-iyahan ni RENIEL DARIO. Nahibaluan nga nagapuyo lamang sa poluy-an sang biktima nga tiya ang gumangkon nga suspek.
*(photo from web)*

Facebook Comments