Maayon, Capiz – Nagalab-ot sa 3 milyones pesos nga balor sang mga alahas ang natigayon nga makuha sang kawatan sa poluy-an sang isa ka registered nurse sa Brgy. Poblacion Ilaya, Maayon, Capiz. Suno sa biktima nga ginkilala kay Helen Tupal y Dordas, alas 7:00 na sang gab-i sang Pebrero 8 sini natalupangdan nga wala na ang ginapanag-iyahan nga mga alahas nga nahamtang sa ila hulot.
Ginpahayag ni PO1 Vincent Dumagpi sang Maayon PNP, kalakip sa mga nagkaladula amo ang isa ka rolex wrist watch nga nagabalor 1.3 million pesos, isa ka pares sang gold nga aritos balor P900,000 pesos; isa ka gold bracelet balor P300,000 pesos kag singsing nga nagabalor P500,000 pesos. Sa subong padayon pa ang imbestigasyon sang mga kapulisan angut sa nasambit nga insidente.
*(Photo from web)*
