Panit-an, Capiz – Patay ang isa ka lalaki matapos nga ginluthang sang riding in tandem pasado alas 7 sang aga sa Poblacion Ilaya, Panit-an Capiz. Ginkilala ang biktima kay Dioscoro Dolfo y Dayalo sang Brgy. Balatucan, Panit-an, Capiz nga nag-angkon sang nagkatuhay nga igo sa iya lawas. Gindangat pa sa Bailan District Hospital ang biktima, apang gindeklarar nga dead on arrival.
Suno sa Panit-an PNP, halin sa ila panimalay ang amo nga biktima kag padulong sa iya obra bilang manuggarab sang ginluthang sang duha ka mga suspek nga nagasakay sa motorsiklo kag nagatabon sang nawong. Narekober sang mga otoridad ang duha ka duha ka empty shell sang .45 caliber pistol.
Suno kay Police Inspector Joaquin Jack Ochavo indi pa mapaathag kun anu ang matuod nga motibo sang krimen. Samtang blangko pa ang mga ini sa identity sang mga suspek
