Ginkawatan/MENRO Lake Sebu ginsulod sang kawatan.

Ginsulod sang wala nakilal-an nga mga kawatan ang Municipal Environment and Natural Resources Office (MENRO) Lake Sebu sa Barangay Poblacion sang nasambit nga banwa.
Base sa imbestigasyon sang Lake Sebu MPS, ginguba suno pa sang kawatan ang jalousie nga bintana sa likod sang nasambit nga building para agyan pasulod sa diin natigayon nga nakuha ang isa ka unit sang Epson EB S31 multimedia projector nga may balor sa P40, 000 kag isa ka unit sang E15 Acer laptop nagaduag sang gray kag may ginabulubanta nga kantidad sa P30, 000.
Gingamit naman sang suspek ang backdoor sa iya sini nga pagpalagyo dala ang nasambit nga gamit.
Samtang natukiban suno pa sang nakaduty nga gwardya ang insidente alas 7:00 na sang gab-i.
Sa subong blangko pa ang Lake Sebu Pnp sa responsable sa nasambit nga insidente.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>