GINKONDENAR | Pagkapatay sang Pito ka miyembro sang CPP-NPA , ginkondenar sang pamilya sang mga biktima kag sang human rights group

Mabaskog nga ginakondenar sang pamilya kag human rights group nga Panay Alliance Karapatan ang pagpatay sa pito ka mga miyembro sang New Peoples Army (NPA) sa barangay Atabay, San Jose, Antique sang nakaligad nga adlaw, agosto 15.
Suno kay Reylan Vergara sang Panay Alliance Karapatan, masaker ang natabo kag indi engkwentro baliskad sa pahayag sang PNP kag AFP base sa ila ginhiwat nga imbestigasyon sa insidente.
Ang pito ka mga napatay nga mga New Peoples Army sa nasambit nga insidente amo sanday Jason Talibo; Jason Sanchez; Karen Ceralvo; Liezel Bandiola; Felix Salditos; Peter Mecenas nga una ginkilala kay Rene Yap; kag Eldie “boy” Labinghisa.