President Roxas, Capiz- Duha ka mga poluy-an sa Brgy. Marita, President Roxas, Capiz ang nasunog alas 12:45 sang udto.
Ginlamon sang kalayo ang mga poluy-an nga ginapanag-iyahan nanday Esmeraldo Arrobang,65-anyos kag Nestor Alcazaren nga lunsay residente sang nasambitan nga lugar.
Suno sa inisyal nga imbestigasyon sang mga katapo sang President Roxas Fire Station, naghalin ang kalayo sa panimalay ni Arrobang kag madasig nga naglaton sa kahilapit nga poluy-an nga ginapanag-iyahan ni Nestor Alcazaren. Wala sang tawo sang masunog ang nasambitan nga mga poluy-an samtang padayon pa nga ginahibalo kun pila ang kabug-osan nga kahalitan sang amo nga insidente.
Nahibaloan nga himo lamang sa light materials ang nasambitan nga mga panimalay samtang masuwerte naman nga wala sang may napilasan ukon nahalitan sa sunog.
(photo)- Active Lutod Lutod Emergency Response Team(ALERT)
