Ginlampaso sang Gilas Pilipinas ang team Malaysia sa nagapadayon nga 2017 SEA Games. Nalampuwasan sang Gilas ang mahinay nga umpisa kag pag abot sang 2nd quarter wala na nagbalikid pa sa ila kontra kag nagtapos ang hampang sa score nga 98-66 pabor sa Pilipinas.
Na sweep sang Gilas ang ila assignment, 3-0 sa group phase apang indi nangin mahapos ang hampang kontra Malaysia bangud man sang home court advantage. Masandukot ang natabo sa tunga-tunga sang 3rd quarter. Nagpukutay kanday Kevin Ferrer kag Kuek Tian Yuan pagkatapos sang isa ka rebound play. Nagpalapit si Baser Amer sang Malaysia para kuhaon ang iya upod apang didto na nagpukutay kag nag tiklodanay ang mga players.
Na eject sa hampang si Carl Bryan Cruz bisan pa nga nagtambag lang ini sa nagagumon nga mga players.
