Report ni Jennifer Debaja Palomo
Kritikal ang isa ka OFW sa Intensive Care Unit sang Saudi German Hospital sa Riyadh Kingdom of Saudi Arabia matapos gin lampusan sang tubo ang ulo sini sang wala pa nakilal an nga mga suspetsado.
Ginkilala ang biktima kay Aljun Accad Andrade taga Linabuan Sur, Banga,Aklan isa ka waiter sa Riyadh.
Sa inisyal nga imbestigasyon sang mga pulis, naga lakat pauli ang biktima halin sa Money Transfer station domingo sang gab e (Saudi Time) matapos nagpadala sang kwarta para sa iya utod nga naconfine sa ICU sang Aklan Provincial Hospital tungod sa aksidente sang ginpalapitan sang mga “Bado” nga Arabo kag gin agaw ang iya Cellphone kag Wallet.
Gina patihan nagbato ang biktima sa mga suspek rason nga ginlampusan ini sang tubo sa ulo.
Subarachnoid hemorrhage ang inisiyal nga findings sang mga doctor kon sa diin may nakita nga fracture sa bagol sang biktima nga gintunaan sang pagka comatose sini.
Padayun pa ang imbistigasyon sa aksidente samtang may mga kasimanwa na nga nagabantay sa iya sa ospital.
