Emosyonal nga nagpasalamat ang pamilya ni Ma’am Corazon Tionson sa tanan nga nagbuylog sa ila kalisud ilabi na gid sa mga nagbulig kag nadakpan ang suspetsado nga nagpatay sa maestra.
Takna alas 3 kahapon Oktubre 24 sang ginpatigayon ang misa requim para kay Ma’am Corazon sa Forest Lake Memorial Park nga gin tambungan sang iya mga himata, kaabyanan, mga co teachers kag iya mga nangin estudyante.
Madumduman nga ginpatay sa Gemumua-Agahon, Passi City sang Oktubre 14 si Ma’am Corazon kag nadakpan man ang suspek nga si June Aguilar Apat kaadlaw matapos ginhimu ang krimen.
Gin-ako ni Aguilar nga ginhimuslan niya ang maestra kag ginpatay ini paagi sa pagbuno kag pagmartilyo sa ulo sang 3 ka beses.
Ginpasaka na ang kaso kay Aguilar nga rape with homicide, robbery, illegal possession of firearms kag possession of illegal drugs matapos ini nakuhaan sang pusil kag shabu sang nadakpan siya sa Barangay Agtabo sa Passi City sang Oktubre 20.
