Magasugod na sa pag-operate subong nga adlaw ang 45 ka unit sang Metro express, ang moderno nga salakyan nga magabiyahe sa bag-o nga ruta nga gindihon sang ltfrb sa siyudad sang Iloilo.
Ini matapos pormal nga ginlunsar kahapon ang Metro express agud magserbisyo sa mga commuters gikan sa point of origin nga amo ang Vista mall sa Circumferential road pakadto sa tatlo ka point of destination nga amo ang Mojon terminal sa Arevalo; People’s terminal sa Pavia kag sa bag-o nga Ceres terminal sa Jaro.
Ini bilang kabahin sang PUV modernization program sang DOTr kag LTFRB.
Ang Metro express ang pinakamoderno nga salakyan kon sa diin kumpelto sa pasilidad , fully airconditioned , PWD friendly kag safe sa aton palibot.
Ginpangunahan ni LTFRB chairman Martin Delgra ang launching sang Metro express.
