GINLUTHANG | Isa ka persona nasapwan nga patay sa San Antonio, Tapaz!

129

Roxas City, Capiz- Patay ang 46-anyos nga lalaki matapos ini ang gina-alegar nga naluthangan sa Brgy. San Antonio banwa sang Tapaz.

Ginkilala ang biktima kay Eriberto Lentija sang Brgy. Santa Petronila, Tapaz nga nag-angkon sang pilas sa iya natuo nga paa.

Suno sa mga kapulisan sang Tapaz, nasapwan na lamang ni Rolando Bibo ang duguon nga lawas sang biktima nga nagahamyangon sa kilid sang dalan samtang ini ang nagalakat padulong sa olumhan.
Gindangat sa Tapaz District Hospital ang amu nga biktima apang gindeklarar nga dead-on-arrival sang doktor.

Sa subong blangko pa ang mga kapulisan sa suspek kag motibo sang krimen.

Narekober naman sa lugar sang ginluntaran sang insidente ang baseyo sang ginapahayag iya sang 12-gauge shotgun.

Facebook Comments