Maayon, Capiz – Padayon nga ginabulong sa Bailan District Hospital ang isa ka persona matapos ginluthang kag ginlabo sa Brgy. New Guia, Maayon, Capiz mga alas 5:00 ang takna kaina sang kaagahon.
Ginklala ang biktima sa kay Romeo Borres 46-anyos sang nasambit nga lugar. Nag-angkon sang igo sa likod kag ulo ang biktima matapos luthangon sang suspek nga si alyas PJ Dogelio 23 anyos residente man sang Brgy. New Guia sa nasambit nga banwa. Gamit ni Dogelio sa pagluthang sa bitktima ang isa ka 12 gauge shotgun.
Nahibaluan nga magkaupod nga naga-inum ang suspek kag ang biktima sang nagluntad ang insidente sa balay ni alyas Alex apang may nagpatunga nga indi paghangpanay sa magtimbang nga bahin matapos ginpilit pa gid sang biktima ang suspek sa pag-inum.
Naglakat palayo si Dogelio, apang sang magbalik ini, naagyan sini ang biktima nga nagahigta sa bangko. Wala na sang madamo pa nga gamo, ginluthang sang suspek si Borres. Madasig naman nga nagpalagyo ang suspek matapos ang ginkumiter ang krimen. Nagapadayon pa ang imbestigasyon sang mga kapulisan angut sa nasambit nga insidente.
(Photo from Redalert Delfin)
