Daku na ang epekto sa ila tax collection, suno kay South Cotabato Provincial Treasurer Alvim Batol ang ginpalawig pa nga enchanced community quarantine kag calibrated lockdown sa probinsya.
Suno sa iya yara lang sa 5 tubtob 10 porsyento ang nagasulod nga tax collection sa probinsya nga halin naman sa fees and charges sang veterinary health certificate kag iban pa.
Suno kay Batol sang bulan sang Marso yara lang sa P100k ang nakolekta nila nga local taxes imbes nga yara kuntani sa P50 million.
Lakip sa wala nagasulod sa ila nga collection sa subong ang sa delivery van, sand and gravel, real property tax kag iban pa.
Samtang sa real property tax nga nagtakop sang Marso 31 nga wala sang penalties ang i-extend nila suno pa tubtob sa Hunyo 30 paagi sa nangin rekomendasyon nga nagakinahanglan pa sang approval sang Sangguniang Panlalawigan.
Ginkumpirmar man ni Provincial Treasurer Batol nga ang P1 million nga ginturn-over sang PCSO sa provincial government ang nagkadto sa mga kinahanglanon batok COVID-19.
